محترم حضرت حکیم صاحب السلام علیکم !میرے گھر میں ہر وقت لڑائی جھگڑا رہتا تھا، سب کے دلوں میں ایک دوسرے کے لئے شکوہ گلہ اور شکایت رہتی تھی ۔ ہر بندہ ایک دوسرے سے نفرت کرتا ۔ زندگی تنگ ہو گئی تھی ، ہر وقت گھر میں نحوست اور پریشانی رہتی تھی۔ مجھے ہر وقت یہی غم لگا رہتا تھا کہ کسی طرح یہ معاملات سلجھ جائیں ۔ میںنے بہت سے عاملین سے رابطہ کیا کہ ہمارے گھر میں نفرت کی فضا کیوں ہے اور ہر فرد کی زندگی میں بے چینی کیوں ہے کیوں ہم سب سکون سے محروم ہیں اور ہماری زندگیوں سے سکھ دور ہو چکا ہے، ہم اندر سے ختم ہوگئے ہیں ، ہمیں زندگی عذاب لگتی ہے، کسی بھی طرح سکون میسر نہیں ، کسی عامل نے جادو بتایا اور کسی عامل نے نظر بد بتائی لیکن کسی نے بھی اس کا حل نہ دیا ، جو بھی تعویز اور عمل بتائے ہمیں ان سے فائدہ نہ ملا اور ہماری زندگی دن بدن اور زیادہ پریشانی کی طرف جار ہی تھی ۔ میرے ایک دوست تسبیح خانہ میں آتے تھے میںنے ڈھکے چھپے الفاظ میں اپنے مسائل کا ذکر کیا تو انہوںنے مجھے تسلی دی کہ آپ میرے ساتھ تسبیح خانہ چلیں ، آپ کو مسائل کا سو فیصد حل مل جائے گا ۔ میںان کے ساتھ تسبیح خانہ گیا ، مجھے سالوں بعد سکون کا ایک جھونکہ نصیب ہوا، میںنے یہ سوچ لیا کہ مجھے اگر گھریلو مسائل کا حل مل سکتا ہے تو وہ تسبیح خانہ سے ہی مل سکتا ہے۔ میرے دوست اگلے اتوار مجھے اپنے ساتھ ہجویری محل لے گئے ، ہجویری محل میں اس وقت سوا رب درود پاک کے چلے کی تیاری اور انتظامات ہو رہے تھے، میرا دوست ہر اتوار یہاں آتا تھا اور خدمت میں شامل ہوتا تھا، میںجب یہاں آیا اور خدمت کی تو یقین کریں میری آنکھوں سے آنسو جاری ہوگئے مجھے اتنا سکون ملا، دل کے دکھ دھل گئے،میرا دل ہلکا ہو گیا اور ایسا لگا کہ میرے تما م مسائل حل ہو گئے مجھے زندگی کی سب سے بڑی کامیابی مل گئی ۔میںنے گھر میں آ کر دیکھا تو سب میں ایک دوسرے کے بارے میں در گزر کا ماحول  نظر آیا اور آپس کی رنجشیں ختم ہوتی نظر آئیں، بھائیوں بھابیوں اور میری والدہ کے درمیان جو ہر وقت تناؤ رہتا تھا اس میںبہت حد تک کمی آگئی۔ میںنے اپنے دوست کے ساتھ ہر اتوار ہجویر ی محل خدمت کے لئے جانا شروع کردیا اور وہاں موجود آستانہ منت مراد کی بھی زیارت کی ، وہاں عملیات کی بہت زبردست تاثیر ہے، بس ہجویر ی محل کی خدمت اور اعمال نے میرے گھر کو آباد کر دیا، جن دلوں میں  احساسات اور جذبات مردہ ہو چکے تھے ان کے دلوں میں  احساسات اور جذبات زندہ ہو گئے اور گھر میں سب کی آپس کی رنجشیں ختم ہو گئیں ، ایک دوسرے کے بارے میں اچھے اور مثبت خیالات ملے اور سب نے ایک دوسرے کو عزت احترام اور درگزر کرنا شروع کر دیا ۔بھائیوں کے درمیان تلخی ختم ہوئی اور گھر سے نحوست کا خاتمہ ہو گیا۔گھر میںسکون ، سکھ اور چین کی فجا قائم ہو ئی ۔ (عبداللطیف، لاہور) 

نوٹ:ہجویری محل میں ترقی‘ کامیابی پانے‘ مسائل مشکلات اور الجھنوں سے چھٹکارے کیلئے چند دن‘ چند ہفتےوہاں عبادت اورخدمت کیلئے ہمراہ بستر جائیں۔